SPANDAN EXPRESS NEWS

कराड/वार्ताहर                     बोगस व टाळा करणाऱ्या वाहन विमा कंपन्यांवर ती कारवाई करण्याची मागणी रयत विद्यार्थी विचार मंचचे पश्चिम महाराष्ट्र प्रभारी अध्यक्ष अक्षय चव्हाण यांनी केलेली आहे. त्याचबरोबर कराड उत्तरेस असलेलं बांधकाम कामगार ऑफिस मध्ये लोकांची प्रचंड प्रमाणामध्ये गैरसोय होताना पाहायला मिळालेली छोटसं ऑफिस असल्यामुळे ऑफिसमध्ये तुंबळ गर्दी होत आहे. पिण्याचे पाणी नाही, शौचालय नाही, लोकांना बसण्याची व्यवस्था नाही,  सर्व सोयी सुविधा उपलब्ध असलेल्या ठिकाणी ऑफिस शिफ्टिंग करण्यात यावा अशी मागणी अक्षय चव्हाण यांनी केली आहे. जनता मालक आहे आणि तुम्ही जनतेचे सेवक आहात जनतेची सेवा करण्याची तुमचे कर्तव्य आहे अशा परिस्थितीमध्ये संबंधित स्टाफ लोकांशी गैरवर्तवणूक करताना पाहायला मिळालेला आहे. याचा जाब विचारता अक्षय चव्हाण यांनी तहसीलदार सो कराड कल्पना ढवळे व उप पोलीस निरीक्षक यांना निवेदन देण्यात आले. त्यावेळी सिद्धेश पाटील, महेश जिरंगे, अनिल कदम, चंद्रकांत कदम सर्व पदाधिकारी उपस्थित होते

 पाटण -                  राष्ट्रीय आर्थिकदृष्टया मागास शिष्यवृत्ती परीक्षा डिसेंबर २०२४ मध्ये घेण्यात आली होती. या परीक्षेचा नुकताच अंतरिम निकाल लागला असून मोरणा शिक्षण संस्थेच्या शिवाजीराव देसाई विद्यालय सोनवडे या विद्यालयातील एन.एम.एम.एस.राष्ट्रीय शिष्यवृत्ती धारक विद्यार्थीनी कु.तिकुडवे सान्वी दिनकर ही विद्यार्थीनी  सातारा जिल्ह्यात गुणवत्ता यादीत १७वी आली आहे. तसेच  विद्यालयातील  सारथी शिष्यवृत्ती धारक विद्यार्थी कु.चव्हाण वैष्णवी काशिनाथ, पाटील राजवर्धन सूर्यकांत, शेजवळ ललित आनंदा, शेजवळ गणेश अरुण, कु.शेजवळ संस्कृती हणमंत, देसाई हर्षवर्धन कैलास, कुंभार हर्षवर्धन सर्जेराव, पानस्कर सार्थक निवास, माने अभय संदीप, पवार वेदांत शिवाजी, कु.शेजवळ श्रावणी सुहास, कु.शेजवळ रिया नितीन, कु.शेजवळ अनुष्का विजय, पाटील आर्यन बाबुराव, शेजवळ अर्थव प्रकाश, खांडेकर सुषमा संतोष या विद्यार्थ्यांची निवड झाली आहे,                     या यशस्वी सर्व विद्यार्थ्यांना मार्गदर्शन...

चाफळ/सुनील पवार यांचेकडून                समर्थ रामदास स्वामी आणि छत्रपती शिवरायांच्या पदस्पर्शाने पावन झालेल्या चाफळ विभागात अगदी निर्धोकपणे सागाची वृक्षतोड सुरू आहे. सह्याद्रीच्या कुशीत वसलेल्या चाफळ परिसरातील वनसंपदा गेल्या काही वर्षात झपाट्याने कमी होत असताना अशाप्रकारे होणारी वृक्षतोड ही पर्यावरणाच्या दृष्टीने अत्यंत चिंताजनक बाब आहे.                 उन्हाळा सुरू झाल्यामुळे पानगळ सुरू आहे. जंगलातील गवत सुकले आहे. याच कालावधीत दरवर्षी जंगलात मोठ्या प्रमाणावर वणवे लागून अनेक वनस्पती, प्राणी आणि पक्षी प्रजातींच्या अस्तित्वाला धोका निर्माण झाला आहे. अशातच यंत्रणांच्या हलगर्जीपणामुळे किंवा त्यांच्या कृपाशीर्वादाने मोठ्या प्रमाणावर वृक्षतोड सुरू आहे. एकीकडे चाफळ विभाग, पाटण तालुका, सातारा जिल्हा पर्यटन भरारी घेण्याच्या तयारीत असताना अशाप्रकारे होणारी वृक्षतोड हा पर्यटन, पर्यावरण आणि एकूणच निसर्गाची हानी करणारी आहे. वृक्ष प्रेमी, पर्यावरण प्रेमी नागरीकांमध्ये या बाबीचा असंतोष खदखदत आहे  ...

  कराड/वार्ताहर  चैत्र वर्ष गुढीपाडव्याच्या नवीन वर्षाच्या निमित्ताने सर्वधर्म समभावाचा संदेश अक्षय चव्हाण यांनी रमजान ईद निमित्ताने मुस्लिम बांधवांना शुभेच्छा दिल्या. जात, धर्म, वंश, भाषा जरी अनेक असल्या तरी आपण सर्व भारतीय एक आहोत आपल्या देशामध्ये अनेक जाती धर्माचे बंधू व भगिनी राहत असतात. त्यातच रमजान ईद मोठ्या उत्साहात साजरी केली जाते. अशातच सर्व धर्म समभाव जात, पात न बघता माणुसकी जपूया असा संदेश रयत विद्यार्थी विचार मंच पश्चिम महाराष्ट्र प्रभारी अध्यक्ष अक्षय चव्हाण यांनी रमजान ईद निमित्ताने मुस्लिम बांधवांना दिल्या.

तळमावले/वार्ताहर                     श्री स्वामी समर्थ प्रकटदिनानिमित्त पाटण तालुक्यातील लोटळेवाडी (काळगांव) येथील श्री स्वामी समर्थ सेवाश्रम (मठ) येथे विविध कार्यक्रमांचे आयोजन करण्यात आले आहे. मठामध्ये सालाबादाप्रमाणे श्री स्वामी समर्थ महाराजांचा प्रकटदिन सोहळा सोमवार दिनांक 31 मार्च रोजी साजरा होत आहे. यंदा श्री स्वामी समर्थ सेवा सांप्रदाय ट्रस्ट चे रौप्यमहोत्सवी वर्ष असल्यामुळे भरगच्च कार्यक्रमांचे आयोजन केले आहे.                सोमवार दि.31 मार्च, 2025 रोजी दुपारी 1 ते 3 वाजेपर्यंत महिलांकरिता हळदीकुंकू समारंभाचे आयोजन करण्यात आले आहे. यासाठी डाॅ.सौ.सारिका गावडे, काळगांव ग्रामपंचायतीच्या सरपंच सौ.राखीताई काळे यांची प्रमुख उपस्थिती आहे. त्यानंतर माजी विश्वस्त स्त सदस्यांचा विशेष सन्मान सोहळा आयोजित केला आहे. यासाठी प्र.प्राचार्य ए.बी.कणसे, जिल्हा नियोजन समिती सदस्य संजय देसाई, मा.सुभाषराव बावडेकर, मा.वसंतराव शिरसट व अन्य मान्यवर उपस्थित राहणार आहेत.       ...

मुंबई/शंकर कडव यांचेकडून...                 कराड तालुक्यातील कराड- ढेबेवाडी रोडवर तारूखजवळ असलेल्या आदर्श गाव बामणवाडीत ग्रामदेवता श्री लक्ष्मीदेवीची वार्षिक यात्रा मंगळवार १ एप्रिल रोजी पारंपरिक जल्लोषात साजरी होणार आहे.त्यानिमित्त बामणवाडी  ग्रामस्थांच्यावतीने अखंड हरिनाम सप्ताह सोहळा २३ मार्चपासून सुरू झाला आहे.  या ज्ञानेश्वरी पारायण  सोहळ्यात दररोज काकड आरती,पांडुरंगाची पूजा, ज्ञानेश्वरी ग्रंथ वाचन, हरिपाठ,कीर्तन आदी कार्यक्रम होत आहेत. महाराष्ट्रातील नामवंत  कीर्तनकारांच्या कीर्तन सेवेला भाविकांचा मोठा प्रतिसाद दिसून येत आहे. रविवार ३० मार्च रोजी सकाळी माऊलींच्या प्रतिमेची भव्य मिरवणूक, १० वाजता काल्याचे कीर्तन  होऊन पारायणाची सांगता होणार आहे.त्यानंतर दुसर्‍या दिवशी यात्रेनिमित्त सोमवार ३१ मार्च रोजी सायंकाळी ७ वाजता नैवेद्य व औषधाचा म्हणजेच फटाक्याच्या आतिषबाजीचा कार्यक्रम  आणि वगनाट्य तमाशाचा कार्यक्रम होणार आहे.तसेच मंगळवार १ एप्रिल रोजी लक्ष्मीदेवीची पालखी मिरवणूक,दुपारी तमाशा आणि सायंकाळी कुस्त्य...

तळमावले/वार्ताहर                उद्योग क्षेत्रात अतुलनीय कामगिरी बद्दल महाराष्ट्र उद्योजकता पुरस्कार २०२५ हा भव्य दिव्य सोहळा नाशिक या ठिकाणी नुकताच पार पडला. यामध्ये सातारा जिल्ह्यातून सौर ऊर्जा प्रकल्प उभारणारी सोलर पॉवर व्हिजन कंपनीच्या कामगिरीबद्दल जयभीम कांबळे यांना मराठी अभिनेत्री वर्षा उसगावकर मॅडम यांच्या हस्ते महाराष्ट्र उद्योजकता पुरस्काराने सन्मानित करण्यात आले. यावेळी युको बँकेचे डीजीएम आणि झोनल अधिकारी अमलेश त्रिपाठी, जीएसटी चे सहाय्यक आयुक्त चेतनसिंग रजपूत यांची उपस्थिती होती.                  जयभीम कांबळे यांनी पुणे,सातारा, सांगली, कराड, कोल्हापूर जिल्ह्यात सौर ऊर्जेच्या माध्यमातून शासनाच्या पर्यावरणपूरक सौर ऊर्जा प्रकल्प उभारण्यासाठी आपल्या कंपनीच्या माध्यमातून चांगली कामगिरी केली आहे.   या पुरस्काराबद्दल जयभीम कांबळे यांचे विविध स्तरांतून अभिनंदन होत आहे.