SPANDAN EXPRESS NEWS

तळमावले/वार्ताहर जिद्द, चिकाटी, योग्य नियोजन आणि इच्छाशक्ती असेल तर डोंगराएवढया संकटांना भेदून यशाला गवसणी घालणे शक्य होते. आपल्या अंगावर खाकी वर्दी असावी असं स्वप्न अमृता डाकवेने काॅलेजला असताना पाहिलं आणि ते पूर्ण देखील केले. या तरुणीने मिळवलेले यश कौतुकास पात्र असेच आहे. कारण घरची परिस्थिती अत्यंत प्रतिकूल असताना तिने अभ्यास आणि जिद्दीच्या जोरावर पोलीस भरतीमध्ये यश मिळवत खाकी वर्दीचं स्वप्न तिने सत्यात उतरवलं आहे. डाकेवाडी (काळगांव) येथील अमृता तानाजी डाकवे यांनी मुंबई पोलीस भरतीमध्ये प्रतिकूल परिस्थितीत अविश्रांत अभ्यास करत यश संपादन केले. घरातील आर्थिक परिस्थिती बेताचीच असलेल्या अमृता हिची आई सौ.अलका आणि वडील तानाजी शेतीची कामे करत अमृताच्या शिक्षणासाठी सातत्याने प्रयत्न केले. शेतामध्ये कष्ट करत या दोघांनी त्यांच्या कुटूंबाचा उदरर्विाह केला आहे. त्याचबरोबर दोघांनी अमृताला मानसिक आणि आर्थिक पाठबळ दिले. अमृतानेही आपल्या आईवाडीलांच्या प्रामाणिक कष्टाची जाणीव ठेवत अभ्यास व सराव केला त्यांना घरच्या कामात मदत केली आणि पोलीस भरतीमध्ये यश मिळवले. या यशाबद्दल स्पंदन चॅरिटेबल ट्रस्टच्यावतीन...

तळमावले/वार्ताहर                 कौतुुकाच्या शाबासकीच्या थापेमुळे काम करण्याची प्रेरणा मिळते. चंद्रभागा रुरल डेव्हलपर व अखिल भारतीय ग्रामीण पत्रकार संघ महाराष्ट्र राज्य (कार्यक्षेत्र ऑल इंडिया) सातारा जिल्हा यांच्या वतीने घेण्यात आलेेल्या पुरस्कार वितरण सोहळा कौतुकास्पद आहे असे प्रतिपादन बिग बॉस फेम तृप्ती देसाई यांनी काढले. त्या यशवंतराव चव्हाण स्मृतीसदन सभागृहात आयोजित केलेल्या कार्यक्रमात बोलत होत्या. यावेळी व्यासपीठावर चंद्रभागा रुरल डेव्हलपरचे चेअरमन दीपक शेठ लोखंडे, सुप्रसिद्ध अभिनेत्री सुरेखा कुडची, महाराष्ट्र प्रदेश काँग्रेस कमिटीचे सरचिटणीस उदयसिंह पाटील उंडाळकर, काँग्रेसचे युवा नेते इंद्रजीत चव्हाण, महाराष्ट्र प्रदेश अभिनेत्री सुनंदा शेंडे, पत्रकार ज्ञानेश्वर शेवाळे ,संतोष थोरवडे,पंचायत समिती सदस्य नामदेव पाटील , व अन्य मान्यवर उपस्थित होते. चांगल्या कामाचे कौतुक झाले पाहिजे. कौतुकामुळे व्यक्तीला आणखी काम करण्याची ऊर्जा आणि उर्मी मिळते असेही देसार्ई पुढे बोलताना म्हणाल्या.           एका चांगल्या का...

तळमावले/वार्ताहर     सह्याद्री वॉरियर्स करिअर अकँडमी व के.सी.कॉलेज, तळमावले ता पाटण (MOU'S - सामंजस्य करार स्पर्धा परीक्षा मार्गदर्शन व भरतीपुर्व प्रशिक्षण केंद्र ) के.से.कॉलेज, तळमावले ता पाटण मध्ये शिकत असलेले विद्यार्थी  महाराष्ट्र पोलीस (मुंबई ,पालघर व पुणे), प्रवीण राउत पालघर पोलीस] तनुजा आचरे, मुंबई पोलीस, अमृता डाकवे मुंबई पोलीस, सौ.अश्विनी कोळगे-करपे पुणे ग्रामीण पोलीसमध्ये भरती झाले आहेत.           या विद्यार्थांना मोलाचे मार्गदर्शन करणारे के.सी.कॉलेजचे कुशल मार्गदर्शक आदरणीय प्राचार्य डॉ अरूण गाडे, शारीरिक शिक्षण संचालक प्रा डॉ विक्रांत सुपूगडे, अकँडमीचे संस्थापक अध्यक्ष प्रा.शिवराज पाटील, अकँडमीचे प्रशिक्षक पै.प्रफुल्ल पाटील (NIS, Coach) सर्वांनी योग्यवेळी मार्गदर्शन केले. तसेच विद्यार्थांच्या आयुष्याला योग्य दिशा देऊन विद्यार्थ्यांनी देखील चिकाटी, प्रयत्न, कष्ट करून आपल्या आयुष्याचं सोनं केलं.  या विद्यार्थ्यांच्या यशाबद्दल  स्वामी विवेकानंद शिक्षण संस्थेचे कार्याध्यक्ष प्राचार्य अभयकुमारजी साळुंखे, संस्थेच्या ...

तळमावले/वार्ताहर            सातारा जिल्ह्यातील उद्योगलक्ष्मी, वीरपत्नी-वीरमाता, आदिशक्ती व कृषीलक्ष्मी क्षेत्रातील कर्तृत्वान, प्रतिभावान आणि राज्याला गौरव प्राप्त करून देणाऱ्या महिलांचा खासदार श्रीनिवास पाटील फाउंडेशन व Yuva 360° च्या वतीने सन्मान व गुणगौरव पुरस्कार देऊन सत्कार करण्यात आला .             कोरोना काळात घरोघरी जाता येत नव्हते . अशा परिस्थितीत सुध्दा  सामाजिक, शैक्षणिक व आरोग्य क्षेत्रांमध्ये उल्लेखनीय काम करणाऱ्या काळगांव बीट धामणी गावच्या अंगणवाडी सेविका नंदाताई यशवंत सावंत यांचा आदिशक्ती पुरस्कार देऊन सन्मान करण्यात आला .               कोरोना काळात नियमांचे पालन करुन लोकांच्या तब्बेतीची देखभाल , युनिसेफचे विक्रमशिला यांनी  ICDS च्या माध्यमांतून केलेली अंकूर स्थापना, सुजाण पालकत्व, वयोगट 3 ते 6 या मुलांना दररोज  व्हॉट्स अप द्वारे गाणी, गोष्टी, खेळ  पाठवणे, त्यामुळे पालकांना सुध्दा आवड निर्माण झाली. पालक सांभाळकर्ते न बनता आधारकर्ते झाले. यामुळे मुलांचा श...

महाराष्ट्राचे पोलादी पुरुष आदरणीय लोकनेते बाळासाहेब देसाईसाहेब यांना त्यांच्या प्रत्येक राजकीय ,  सामाजीक , शैक्षणिक कार्यात हातभार लावणाऱ्या त्यांच्या धर्मपत्नी कै . सौ . वत्सलादेवी देसाई  ( ताईसाहेब )  यांची   64 वी पुण्यतिथी बुधवार दि .  २०  मे  २०२ 3 रोजी महाराष्ट्र शासनाने उभारलेल्या  “ महाराष्ट्र दौलत ”  लोकनेते बाळासाहेब देसाई शताब्दी स्मारकामध्ये राज्याचे राज्य उत्पादन शुल्कमंत्री ना . शंभूराज देसाईसाहेब यांच्या प्रमुख उपस्थितीत   संपन्न होत आहे कै . सौ . वत्सलादेवी देसाई  ( ताईसाहेब )  म्हणजे वात्सल्य ,  ममता ,  माया जणू चंद्राची शितल छायाच होत्या .  त्यांचे 64 व्या पुण्यस्मरण दिनानिमित्ताने.....               पाटण तालुक्यातील मरळीच्या इनामदार घराण्यातील कुलदिपक महाराष्ट्राचे पोलादी पुरुष ,  लोकनेते बाळासाहेब देसाईसाहेब यांनी अनेक आपत्तींना तोंड देवून आपल्या ध्येयाप्रत अत्यंत निष्ठेने आणि निकराने तोंड दिले .  म्हणूनच ते महाराष्ट्र...

  सणबूर/वार्ताहर       मालदन ता.पाटण येथे हर्षवर्धन काळे यांच्या स्मरणार्थ .ग्रामस्थ मंडळ मालदन व वजीर ग्रुपने आयोजित केलेल्या भव्य बैलगाडी शैर्यतीत. देवराज पाटील यांच्या गाडीने प्रथम क्रमांक पटकावला, द्वितीय क्रमांक भैरवनाथ प्रसन्न तांबवे, तृतीय क्रमांक नगरसेवक हणमंतराव जाधव आगाशिवनगर, चतुर्थ क्रमांक अंबिका प्रसन्न , पाचवा क्रमांक निखील दादा पवार बेलवडे खुर्द पाटण यांच्या गाडीने पटकावला.         प्रथम क्रमांकाचे बक्षीस ३१ हजार हर्षवर्धन काळे यांच्या स्मरणार्थ यशवंत काळे यांच्याकडून, द्वितीय क्रमांकाचे २५ हजार बक्षीस रघुनाथ धोंडीबा बोत्रे यांच्या स्मरणार्थ शशिकांत बोत्रे.यांचेकडून, तृतीय क्रमांकाचे २० हजार बक्षीस सुरेश काळे एम.डी पाटील सूर्यकांत काळे यांच्याकडून, चतुर्थ क्रमांकाचे १५ हजार बक्षीस नितीन काळे, पाचवे ११ हजार बक्षीस राजेश साळुंखे, यांच्याकडून देण्यात आले. तर जयदीप अजितराव पाटील यांच्या स्मरणार्थ संदीप पाटील, तसेच स्वाती संतोष देसाई यांच्या स्मरणार्थ चैतन्य उद्योग समुह तळमावले यांच्याकडून आकर्षक ढाली देण्यात आल्या.  ...

ढेबेवाडी/वार्ताहर         मंद्रुळकोळे खुर्द ता.पाटण येथील जिल्हा परिषद प्राथमिक शाळा यादववाडी  या शाळेस शाळेचे माजी विद्यार्थी संजय देसाई यांनी गिरगावकर प्रतिष्ठानच्या वतीने शाळेस सर्व रंगकाम करण्यासाठी साहित्य दिले.         रंग दे माझी शाळा उपक्रमांतर्गत जिल्हा परिषद शाळा व अंगणवाडी शाळेस गिरगाव प्रतिष्ठानच्या (मुंबई) वतीने रंगकाम व्हावे यासाठी संजय देसाई यांनी प्रयत्न केले होते त्यांच्या प्रयत्नांना यश आले आणि गिरगाव प्रतिष्ठानने रंग कामाचे साहित्य दिले नुकतेच हे साहित्य जगन्नाथ जानूगडे सर यांच्याकडे वितरित करण्यात आले. यावेळी माजी उपसरपंच संजय लोहार, विविध कार्यकारी सेवा सोसायटीचे व्हा. चेअरमन दादासाहेब साळुंखे,तंटामुक्ती अध्यक्ष, रविराज भुरुगडे उपस्थित होते. जगन्नाथ जानूगडे यांनी स्वागत करून आभार मानले.

तळमावले/वार्ताहर           पाटण तालुक्यातील डाकेवाडी (काळगांव) येथील स्पंदन चॅरिटेबल ट्रस्ट महाराष्ट्र राज्य यांच्यावतीने आयोजित केलेल्या राज्यस्तरीय स्व.राजाराम डाकवे (तात्या) साहित्य पुरस्कार स्पर्धेचे पुरस्कार जाहीर झाले असल्याची माहिती ट्रस्टचे संस्थापक/अध्यक्ष डाॅ.संदीप डाकवे यांनी प्रसिध्दीपत्रकाव्दारे दिली आहे.           यावेळी ट्रस्टचे उपाध्यक्ष आप्पासोा निवडूंगे, सचिव रेश्मा डाकवे व अन्य पदाधिकारी उपस्थित होते. पुरस्कारप्राप्त लेखक आणि पुस्तकांची नावे (कंसात) पुढीलप्रमाणे : आनंद ननावरे (आनंदाच्या कथा), श्रीमंत अनंतमालाराजे राजेमाने (निसर्ग सान्निध्यात बहर तारुण्याचा), सचिन फ.अवघडे (वाटचाल सुक्ष्म ऑटो स्प्रे.पेंटर), आशिष निनगुरकर (कुलुपबंद), प्रा.डाॅ.सुभाष वाघमारे (मी भारतीय), नंदकुमार शेडगे (जाणीव)           ट्रस्टच्यावतीने यापूर्वी साहित्यिकांना प्रोत्साहन देण्यासाठी उत्कृष्ट दिवाळी अंक स्पर्धा, गणेश-नवरात्र वार्तांकन स्पर्धा आयोजित केल्या आहेत. सन्मानचिन्ह, सन्मानपत्र, ग्रंथ आणि शाल असे ...

पैलवान रितिक झिमरे ठरला  चंद्रभागा केसरी किताबाचा मानकरी येवती गावचे सुपुत्र दीपक शेठ लोखंडे यांच्या मार्गदर्शनाखाली भरवले जंगी कुस्त्यांचे मैदान  उंडाळे (प्रतिनिधी)                 येवती ता.कराड येथे बौद्धजन हित वर्धक संघ येवती मुंबई आणि चंद्रभागा रुलर  डेव्हलपर्स चे दीपक शेठ लोखंडे यांच्यावतीने निकाली कुस्त्यांचे जंगी मैदान आयोजित केले होते. बौद्धजन हितवर्धक संघ येवती मुंबई यांच्या वतीने संयुक्त जयंती सोहळा मोठ्या उत्साहात पार पडला. जयंतीनिमित्त विविध प्रकारचे सामाजिक उपक्रम देखील राबवण्यात आले. यामध्ये मोफत  सर्व रोग निदान शिबिर, निबंध स्पर्धा, रांगोळी स्पर्धा वक्तृत्व स्पर्धा आणि महिलांसाठी होम मिनिस्टर या स्पर्धेच्या आयोजन करण्यात आले होते. त्याचबरोबर प्रमुख व्याख्याते अविनाश भारती यांच्या व्याख्यानाचा कार्यक्रम देखील संपन्न झाला. सांस्कृतिक कार्यक्रमाचे देखील आयोजन चंद्रभागा रुलर  डेव्हलपर च्या वतीने करण्यात आले होते. अशा भरगच्च कार्यक्रमाचे सांगता जंगी कुस्त्याचे मैदान घेऊन करण्यात आली.     ...

तळमावले/ वार्ताहर                वीरता, विद्वत्ता आणि वक्तृत्वाचा संगम प्राचार्य डॉ. यशवंत पाटणे यांच्यात पहायला मिळतो. महाराष्ट्र हा प्रगत व पुरोगामी विचारांचा आहे. महापुरूषांबद्दल बेताल वक्‍तव्य केले जाते, त्यावेळी मनाला वेदना होतात. बेताल वक्तव्याचा त्यांना कुणी अधिकार दिला? त्यांना कुणी काही विचारायला तयार नाही, हे आपण अनुभवतोय. कुठल्याही देशातील नागरिकांची प्रगती हे त्या देशातील नागरिकांच्या विचारांवर, अवलंबून असते. महाराष्ट्राच्या सामाजिक विचाराचा पाया वक्त्यानीच भक्‍कम केला, असे गौरवोद्गार महाराष्ट्र राज्याचे विरोधी पक्षनेते आ.अजितदादा पवार यांनी काढले. प्राचार्य डॉ. यशवंत पाटणे विद्यार्थी उत्कर्ष प्रतिष्ठान व संस्कृती प्रकाशन पुणे यांच्यावतीने ख्यातनाम वक्ते, ज्येष्ठ विचारवंत प्राचार्य डॉ. यशवंत पाटणे यांचा सपत्नीक सत्काराचे आयोजन जिल्हा मध्यवर्ती सहकारी बँकेच्या स्व. यशवंतराव चव्हाण सभागृहात करण्यात आले होते. कार्यक्रमास खा. श्रीनिवास पाटील, आ.मकरंद पाटील, जिल्हा पत्रकार संघाचे अध्यक्ष व दै. 'पुढारी'चे वृत्तसंपादक हरीष पाटणे, प्राचार...

   दौलतनगर दि . 08 :-  महाराष्ट्राचे मुख्यमंत्री ना.एकनाथजी शिंदे व उपमुख्यमंत्री ना.देवेंद्रजी फडणवीस यांचे संकल्पनेतून राज्य शासनाचेवतीने सध्या सर्वत्र शासन आपल्या दारी ही योजना राबविण्यात येत आहे.राज्याचे मुख्यमंत्री ना.एकनाथजी शिंदे यांची जन्मभूमी असलेल्या सातारा जिल्हयात शासन आपल्या दारी या योजनेचा राज्यस्तरीय  शुभारंभ हा राज्याचे मुख्यमंत्री ना.एकनाथजी शिंदे व उपमुख्यमंत्री ना.देवेंद्रजी फडणवीस यांचे शुभहस्ते ,खासदार डॉ.श्रीकांत शिंदे , महाराष्ट्र राज्याचे राज्य उत्पादन शुल्कमंत्री ना.शंभूराज देसाई व इतर सन्माननीय मंत्री महोदय यांचे प्रमुख उपस्थितीत  शनिवार दि.  13  मे  2023  रोजी सकाळी  10  वाजता दौलतनगर,ता.पाटण येथे होणार असून याप्रसंगी शासन आपल्या दारी योजने अंतर्गत पाटण तालुक्यातील  25000   लाभार्थ्यांना एकाच छताखाली लाभ देणारा मेळावा व जाहिर सभाही होणार असल्याची माहिती  राज्य उत्पादन शुल्कमंत्री तथा सातारा व ठाणे जिल्हा पालकमंत्री ना.शंभूराज देसाई यांच कार्यालयाचेवतीने प्रसिध्दीपत्रकाव्दारे दिली आहे.  ...

तळमावले/वार्ताहर                ख्यातनाम वक्ते, सुप्रसिद्ध लेखक व ज्येष्ठ विचारवंत प्राचार्य डॉ.यशवंत पाटणे यांचा सपत्नीक सेवागौरव व ‘यशवंत’ या गौरवग्रंथाचा प्रकाशन सोहळा सोमवार दि. 8 मे, 2023 रोजी दुपारी 3.00 वाजता महाराष्ट्र राज्याचे विरोधी पक्षनेते आ.अजित पवार यांच्या हस्ते, खा.श्रीनिवास पाटील यांच्या अध्यक्षतेखाली व अन्य मान्यवरांच्या उपस्थितीत होणार आहे. प्राचार्य डॉ.यशवंत पाटणे विद्यार्थी उत्कर्ष प्रतिष्ठान सातारा, तळमावले, तासगाव व संस्कृती प्रकाशन पुणे यांच्या संयुक्त विद्यमाने या कार्यक्रमाचे आयोजन सातारा जिल्हा मध्यवर्ती सहकारी बँकेच्या स्व.यशवंतराव चव्हाण सभागृहात करण्यात आले आहे.         या कार्यक्रमास खा.श्री.छ.उदयनराजे भोसले, आ.शिवेंद्रसिंहराजे भोसले, आ.मकरंद पाटील, आ.सुमनताई पाटील व रोहित आर.आर.पाटील शिवाजी विद्यापीठाचे कुलगुरू डॉ.डी.टी.शिर्के, रयत शिक्षण संस्थेचे चेअरमन डॉ.अनिल पाटील, सातारा जिल्हा पत्रकार संघाचे अध्यक्ष व दै.‘पुढारी’चे वृत्तसंपादक हरीष पाटणे, श्री स्वामी विवेकानंद शिक्षण संस्थेचे कार्...

तळमावले / वार्ताहर  पाटण तालुक्यातील काळगाव विभागातील चौगुलेवाडी ग्रामपंचायतीचे विद्यमान सरपंच सचिन आचरे आणि उपसरपंच जालिंदर कोळगे यांनी आपले मानधन ग्रामपंचायत कार्यक्षेत्रातील वाड्यावस्त्यांत वास्तव्यास असलेल्या विधवा, निराधार महिलांना देऊन त्यांच्या जगण्याला हातभार देण्याचा निर्णय घेतला आहे. या वेगळ्या संकल्पनेद्वारे संबंधित प्रत्येक महिलेला ११ हजार रुपयांची मदत मिळणार आहे. चौगुलेवाडी ग्रामपंचायतीच्या कक्षेत मुटलवाडी, कोळगेवाडी, आचरेवाडी, सावंतवाडी, मातंगवस्ती आदी वाड्यावस्त्यांचा समावेश होतो. डिसेंबर २०२२ मध्ये ग्रामपंचायतीची निवडणूक झाली. सरपंचपदी सचिन आचरे, तर उपसरपंचपदी जालिंदर कोळगे यांची निवड करण्यात आली. आपणास मिळणारे मानधन ग्रामपंचायतीच्या कार्यक्षेत्रातील विधवा निराधार महिलांना देऊन त्यांच्या जगण्याला त्यातून हातभार देण्याचा निर्णय सरपंच व उपसरपंचांनी अलीकडेच घेऊन त्याची अंमलबजावणीही सुरू केली आहे. 'माझं गाव, माझी पंढरी' या नावाने ही आगळीवेगळी संकल्पना राबविण्यात येत आहे. त्यासाठी एकत्रित चिट्ट्या टाकून त्यातून काढलेल्या क्रमानुसार संबंधित महिलांची यादी तयार केली असू...